網紅的藏寶箱瞓得勁唔好！！唔係因為攰，亦都唔係因為天氣熱，而係出現可怕嘅生物。尋晚原本諗住臨瞓熄電腦前睇埋套日劇，無啦啦sense到地下有啲摩擦聲同黑影，扭個頭去牆角個時立即對
跳起尖叫！！係黑色大強呀！！！日本嘅曱甴真係純黑色，唔係香港嗰隻透透地啡色，品種？）凌晨兩點真係叫到隔離房都聽到= =
丫仁勁驚佢會爬埋去床嗰邊，所以諗盡方法唔俾佢去上床！搬咗黎呢度咁多年都唔會有大強，係咪因為隔離屋搬屋所以走過來呢？屋企唔會有殺蟲水，所以攞晒屋企有嘅噴霧走去噴死佢。攞咗啲香水、除菌噴霧、芬芳噴霧、就連廁所嘅漂白水都對準佢射。殲滅咗佢之後另一個問題隨即而生，就係點樣去執起佢！ ！ ！丫仁邊攞起廁紙，又唔夠膽伸手包住佢，諗起間接同佢有身體接觸真係打晒冷震。最後都係搵啲紙皮，遠距離夾住佢再沖落廁所！！明明又好眼瞓，瞬間即刻清神晒！要用多一個鐘頭去平復返自己嘅心情先至可以上床瞓。
以上就係丫仁決戰人類史上最大天敵之卷
Search